Tuesday, August 21 , 2018| मंगलबार, भाद्र ५, २०७५ |
सिरियामा अमेरिकालाई साथ दिन्छौँ– फ्रान्सेली राष्ट्रपति
मंगलबार, बैशाख ४, २०७५ ०९:२०:३९ | Comments

पेरिस, १६ अप्रिल । फ्रान्सेली राष्ट्रपति इमानुएल म्याक्रोनले सिरियामा हुने कारबाहीका लागि फ्रान्सले अमेरिकालाई साथ दिने बताएका छन् । 

उनले भने– 'हामी सिरियाका विषयमा अमेरिकालाई सहयोग गर्नेछौँ, अमेरिकालाई यो बाचा गरिसकेका छौँ तर अन्तर्राष्ट्रिय कानुन अनुसार नै हामीले सिरियामाथि कारबाही गरेका छौँ ।' उनले आवश्यक परेमा लामो समयसम्म पनि सिरियामा अमेरिकासँगै रहेर कामगर्ने गरी गत शनिबार संयुक्त रुपमा आक्रमण गरिएको दाबी पनि उनले गरे । 

राष्ट्रपति म्याक्रोनले उक्त आक्रमण विधिसम्मत नै रहेको जिकिर पनि गरे । उनको भनाई थियो– 'सिरियामा गएका सात वर्षमा धेरै नागरिक मारिएका छन् र यहाँको सरकारले नै घातक हतियारहरुको प्रयोग गरिरहेको छ त्यसैले ती हतियार नष्ट गर्नुपर्ने भएकोले सो आक्रमण वैधानिक रहेको उनको भनाई थियो ।'

उनले विश्व समुदायलाई सिरियाको मानवहत्या रोक्ने काममा सघाउन पनि आग्रह गरेका छन् । उजले मानवका विरुद्धमा यस्ता रासायनिक र घातक हमलाहरु प्रयोग गरेकोमा सिरियाली सरकार कडा कारबाहीको भागिदार बन्नुपर्छ र यसका लागि विश्व समुदायले पनि सहयोग गर्नुपर्ने बताए । 

विश्व समुदायलाई सिरियाको मानवहत्या रोक्ने काममा सघाउन पनि आग्रह गरेका छन् । उजले मानवका विरुद्धमा यस्ता रासायनिक र घातक हमलाहरु प्रयोग गरेकोमा सिरियाली सरकार कडा कारबाहीको भागिदार बन्नुपर्छ र यसका लागि विश्व समुदायले पनि सहयोग गर्नुपर्ने बताए । 

अमेरिका, रुस र फ्रान्सको हमला भनेको अरु केही नभएर सिरियाली सरकारले भण्डारण गरेको मानव स्वास्थ्यका लागि घातक मानिएका रासायनिक हतियारहरुको नष्ट गर्नु हो भन्दै हवाई आक्रमणहरु पनि ती बाहेक अन्यत्र कतै नगरिएकोले विश्व समुदायले यसलाई राजनीतिक मुद्धा बनाउन उचित नहुने बताए। 

सिरियामा अमेरिका, बेलायत र फ्रान्सले गएको शनिबार हवाई आक्रमण गरेका थिए । समाचारमा जनाइएअनुसार शनिबार सिरियाको राजधानी सहर दमासकस र यसको वरपरका क्षेत्रमा आक्रमण भएको थियो । विशेषगरी सिरियाली राजधानी दमासकसमा भएको यो आक्रमण अमेरिकी नेतृत्वमा शुरु भएको थियो । तर सो आक्रमण शनिबारै अन्त्य भएको घोषणा गरिएको छ । 

प्रतिकृया दिनुहोस