Saturday, October 21 , 2017| शनिबार, कार्तिक ४, २०७४ |
हङकङलाई हराउँदै नेपाल बन्यो च्याम्पियन
आइतबार, आश्विन १, २०७४ ००:००:०० | Comments

 

काठमाडौँ । एसीसी यू–१९ इस्टर्न रिजन क्रिकेटको फाइनल खेलमा नेपालले हङकङलाई ५ विकेटले हराउँदै उपाधिमाथि कब्जा जमाएको छ । 

जीतका लागि ७६ रनको लक्ष्य पाएको नेपालले मात्र १४.४ ओभरमा ५ विकेट गुमाउँदै उक्त लक्ष्य भेट्याएको थियो ।

मलेसियाको किनरारा ओभल मैदानमा भएको खेलमा नेपालका लागि दीपेन्द्र सिंह ऐरीले २२ रनको योगदान दिए भने सन्दीप सुनार र प्रनित थापामगरले समान १९ रनको योगदान दिए ।

यसअघि, हङकङ मात्र ७६ रनमा अलआउट हुन पुगेको हो ।

खेलमा टस जितेर नेपाली टोलीले हङकङलाई ब्याटिङको निम्ता दिएको थियो ।

नेपालले पहिलो ओभरदेखि नै प्रतिद्वन्द्वीलाई दबाबमा राखेको थियो । नियमित रुपमा हङकङको विकेट लिँदै नेपाली बलरहरुले कुनै पनि ब्याटसम्यानलाई खुलेर खेल्न दिएनन् ।

नेपालका लागि सन्दीप लामिछाने र सहबाब आलमले समान ३–३ विकेट लिए ।

हङकङका लागि हरप्रित सिंहले सर्वाधिक २० रन बनाए भने जथाभेदले १६ रनको योगदान दिए ।

प्रतिकृया दिनुहोस